Абайдың шығыстың ұлы ақындарының классикалық туындыларымен тереңірек танысқанын көрсететін, оларды «ақындық жолдағы жебеушім» деп танып, медет тілеген ниетте жазылған өлеңі.

Қашан жазылды?

1 шумақ өлеңді Абай 1858 жылы жасөспірім шағында жазған.

Қайда жазылды?

Өлеңді шәкірт Абай Семейдегі Ахмет-Риза медресесінде оқып жүріп жазған.

Қайда жарияланды?

Бұл өлең де бірінші рет 1933 жылғы толық жинақта (Абай Құнанбайұлы Толық жинақ. – Қызылорда, 1933, 71-бет) басылған.

Өлең не жайында?

Зерттеушілердің деректеріне қарағанда, 13 жастағы жасөспірім Абай Семейдегі Ахмет-Риза медресесінде оқып жүргенде жазған. Өзіне үлгі еткен атақты ақындардың аттарын атап: «Мәдәт бер я шағири фәрияд» деп сыйынып, «мәдәт» тілейді.

Қай жанрда жазылды?

Өлеңнің көлемі 4 төрт тарамақтан тұратын 1 шумақты құрайды.

Қай тілдерге аударылды?

Өлең орыс тіліне аударылған.

Фзули, Шәмси, Сәйхали,

Науаи, Сағди, Фирдауси,

Хожа Хафиз – бу һәммәси

Мәдәт бер я шағири¹ фәрияд².

¹Шағири (арабша) – ақын.

²Фәрияд (парсыша) – теңдесі жоқ, асыл.