(Абай ауданы,  Бөрілі ауылы)

Бөрілідегі М.О. Әуезовтің мұражай-үйі – Бөрілідегі Әуез әулеті қыстауында орналасқан тарихи және мәдени мекеме. 1987 жылдың желтоқсан айының 25-нен  Абайдың республикалық әдеби-мемориалдық мұражайының қарамағына берілген.

Мұражай экспозициясы 8 бөлімнен тұрады:

• Әуез бөлмесі;
• Мұхтардың балалық, жастық шағы;
• Анасының бөлмесі;
• «Абай жолы» романы;
• Мұхтар отбасы;
• Мұхтар шет елдерде;
• Мұхтар туған жерінде соңғы рет;
• Сыйлықт

Мұражайда жалпы саны 1000-ға жуық экспонат жинақталған, оның 610-ы негізгі қорда. Мұнда жазушының өмірі мен өскен ортасын жан-жақты көрсететін мұрағаттармен танысып, қызықтаумен бірге, ұлы суреткер мұрасы мен өміріне қатысты оқиғалар туралы түсірілген деректі фильмдерді де тамашалауға болады.